You are here

Сұрақ-жауап

  • Сұрақ №: 38352
    Дата: 22.12.2017 15:18:25
    Аты-жөні: Туркистанов Ержан
    Сұрақ:
    Қайырлы күн! Сыбайлас жемқорлық құқық бұзушылықтары жоқ екендігін растайтын анықтаманы қайдан алуға болады? Цон арқылы тек соттылығы және әкімшілік құқық бұзушылығы туралы ғана анықтама беріледі.
    Жауап күні:
    27 желтоқсан, 2017 - 18:06
    Жауап:
    Құрметті Ержан Барлыбайұлы! Сіздің 25.12.2017 жылғы арызыңыз бойынша сыбайлас жемқорлық құқық бұзушылық үшін жауапкершілікке тартылғандығы немесе тартылмағандығы туралы анықтаманы Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Атырау облысы бойынша басқармасынан анықтаманы алатындығын хабарлаймыз.
  • Сұрақ №: 38297
    Дата: 20.12.2017 20:31:29
    Аты-жөні: Байназарова Фарида
    Сұрақ:
    Менің ұлым 2015 жылы әскери қызметте жүріп сотты болды.Ең аз есептік көрсеткіш деп 1 миллион теңге айыппұл төледік.Менің сұрағым енді ол еш жерде жұмыс істей алмайды ма.Қандай жұмысқа барса да судимость справка сұрап жатыр.Жап-жас бала өмірден түңіліп,оқып жатқан мамандығым бойынша істей алмаймын деп жүр.Қазі авиация мамандығында оқып жатыр.Өзі 24-ке енді толады. Оның өмірі осылай өтеді ма. Адам өлтіріп жатқандар құтылып кетеді. Айыппұлын төледік.Өмірбойы сотталған болып қала береді ма.
    Жауап күні:
    22 желтоқсан, 2017 - 17:19
    Жауап:
    Құрметті Фарида Амантурдиевна! Қазақстан Республикасы Бас прокуратурасының құқықтық статистика және арнайы есепке алу жөніндегі Комитетінің Шығыс-Қазақстан облысы бойынша Басқармасы (бұдан әрі– Басқарма) Сіздің, 21.12.2017 жылғы өтінішіңізге төмендегідей хабарлайды: Қазақстан Республикасының 2003 жылғы 22 желтоқсандағы «Мемлекеттік құқықтық статистика және арнайы есепке алу туралы» Заңының 12 бабының 1 тармағының 2 тармақшасына сәйкес арнайы есептер - Қазақстан Республикасының заңдарында белгiленген тәртiппен мемлекеттiк органдарды, жеке және заңды тұлғаларды ақпараттық қамтамасыз етуге арналған. Атап айтқанда, бүгінгі таңда «Соттылығы бар немесе жоқ анықтамалары» Халыққа қызмет көрсету орталығынан немесе «электронды үкімет» веб-порталы арқылы, мемлекеттік қызмет стандартына сәйкес жүзеге асырылада. Соттылығы жойылған болса немесе алынып тасталса, азаматтар анықтаманы «Соттылығы жоқ» деген белгімен алады. Сонымен қатар, Қазақстан Республикасы Бас Прокурорының «Қылмыстық жауаптылыққа тартылатын, қылмыстық құқық бұзушылықтар жасаған адамдардың, қылмыстық құқық бұзушылық жасаған үшін қылмыстық жауаптылыққа тартылған адамдардың аранайы есебін, ұстап алынған, күзетпен ұсталатын және сотталған адамдардың дактилоскопиялық есебін жүргізу және пайдалану Қағидасын бекіту туралы» (Бұдан әрі – Қағида) 2017 жылдың 30 маусымның №68 бұйрығының 70 тармағына сәйкес, адамдарға қатысты тексеру іс-шараларын іске асыруға уәкілетті мемлекеттік органдардың, мекемелер мен ұйымдардың сұраулары бойынша, тексеру негіздеріне қарамастан, адамдар туралы Комитетте және оның аумақтық органдарында бар барлық мәліметтер тексеру күніне сәйкес, қылмыстық құқық бұзушылықтарды жасағаны үшін қылмыстық жауаптылыққа тартылғандар, сотталғандар, соның ішінде соттылықтың жойылуына, алуына, жазаға тартылу, соттау және жазаны өтеу күніне қарамастан, қылмыстық жауаптылыққа тартылған және жазасын шетелде өтеп жатқан Қазақстан Республикасының азаматтарына ұсынылады. Жоғары көрсетілген Қағиданың талаптарына сәйкес, тегi бойынша картотекасында есептiк құжаттар, соттылықтың жойылу немесе алыну мерзiмдерiне қарамастан сақталады. Жұмысқа туру (орналасу) Қазақстан Республикасының 23.11.2015 жылғы «Еңбек кодексінің» және Қазақстан Республикасының Заңдарының талаптарына сәйкес жүзеге асырылалды. Комитетпен ұсынылған мәліметтерді мемлекеттік органдар немесе басқа да ұйымдар заңнаманың талаптарын бұза отырып пайдаланған жағдайда, олардың әрекеттеріне қарсы сотқа шағымдануыңызға болады. Егер, Басқарма берген жауабына келіспесеңіз сотқа шағымдануыңызға құқылысыз. Қазақстан Республикасы Бас Прокуратурасының ҚСжАЕА Комитетінің ШҚО бойынша басқарма бастығы аға әділет кеңесшісі М. Құсайынов Орын: А. Канапиянов Тел: 61-40-62
  • Сұрақ №: 38257
    Дата: 19.12.2017 17:10:19
    Аты-жөні: Утегенов Ербас
    Сұрақ:
    ҚР Бас прокуратурасы Құқықтық статистика және арнайы есепке алу жөніндегі комитетінің Оңтүстік Қазақстан облысы бойынша басқармасы бастығы А.О.Сапарғалиевке ОҚО, Ордабасы ауданы, Бөржар а/о, Ұялыжар ауылы, Т.Сихымбаев көшесі, №17 үйдің тұрғыны Утегенов Ербас Жанысбековичтен ЖСН 761006301714, жеке куәлік №023944957 2009 жылғы 30 шілдеде ҚР Әділет министірлігі берген. Байланыс телефоны: 8 705 490 55 85 Сізге осы өтінішті жазуыма төменде баяндалған жайттар себеп болды. Мен, өзімінің туып-өскен ОҚО, Ордабасы ауданы, Бөржар ауыл округі әкімі аппаратының бас маман - іс басқарушы лауазымына Оңтүстік Қазақстан облыстық ішкі саясат басқармасының бас маманы лауазымынан ауысу тәртібімен 2012 жылғы 7 ақпанда тағайындалдым. 2014 жылғы мамыр айында менің қызмет барысындағы іс-әрекетім туралы жеке тұлғадан түскен арызды қараған Сырдария аймағы бойынша ауданаралық қаржы полициясы Ордабасы ауданы әкімінің атына менің тәртіптік жауапкершілігімді аудан әкімі аппаратында қарап, тиісті шешім қабылдау туралы ұсынысын жолдайды. Ұсынысты қараған Ордабасы ауданы әкімі аппаратындағы тәртіптік комиссия мені «заң бұзушылықтарға жол берген және өзінің өкілеттігін асыра пайдаланған» деп айыптап, Бөржар ауыл округі әкімінің атына мені жұмыстан босату туралы ұсыныс береді. Бөржар ауыл округі әкімі С.Жолболды аудандық тәртіптік комиссияның шешімін орындау мақсатында Қазақстан Республикасының «Мемлекеттік қызмет туралы» Заңнының 3-бабы 1-тармағының 14-тармақшасын, 27-бабының 2-тармағын, 28-бабы 1-тармағының 5-тармақшасын басшылыққа ала отырып және Қазақстан Республикасы Президентінің 1999 жылғы 31 желтоқсандағы №321 Жарлығымен бекітілген Қазақстан Республикасының мемлекеттік әкімшілік қызметкерлеріне тәртіптік жаза қолдану Қағидаларына сәйкес 2014 жылғы 27 маусымдағы №38 өкімімен (қоса тіркелді) мені жұмыстан босатты. Алайда, Бөржар ауыл округінің әкімі мені ҚР «Мемлекеттік қызмет туралы» Заңның талаптарын бұзды деген тұжырыммен жұмыстан босатқанына қарамастан, ҚР Бас прокуратурасының Құқықтық статистика және арнайы есепке алу комитетінің базасында мені ҚР «Сыбайлас жемқорлыққа қарсы күрес» туралы Заң талаптарын бұзуы себепті жұмыстан босатылды деп көрсетіліп, есепке алынғанымды білдім. Сол себепті, қазіргі кезде мемлекеттік қызметке тұру мүмкіндігіме шектеу қойылып отыр. Ендігі кезекте Қазақстан Республикасының қолданыстағы заңдылықтарының, Қазақстан Республикасы Президенті Жарлықтары мен өзге де нормативтік-құқықтық актілердің жүзеге асуы заңдылығын қадағалаушы құқық қорғау органы құрылымының басшысы ретінде Өзіңізден: 1. ҚР Бас прокуратурасының Құқықтық статистика және арнайы есепке алу комитетінің есебіне қандай себеппен алынғандығымды түсіндіруді; 2. Есепке алуда қателіктер орын алынған болса, менің мемлекеттік қызметке орналасу құқығымды қалпына келтіруге ықпал етуіңізді сұраймын. Өтініш иесі Е.Өтегенов 20.12.2017 ж
    Жауап күні:
    16 қаңтар, 2018 - 12:34
    Жауап:
    Блог №80844 аз.Е.Утегеновке Құрметті Ербас Жанысбекович! Сіздің 20.12.2017 жылғы өтінішіңіз Қазақстан Республикасы Бас Прокуратурасы Құқықтық статистика және арнайы есепке алу жөніндегі комитетінің (бұдан әрі – Комитет) Оңтүстік Қазақстан облысы бойынша басқармасымен қаралды. 2014 жылдың 27 маусымында Оңтүстік Қазақстан облысы бойынша экономикалық қылмысқа және сыбайлас жемқорлыққа қарсы күрес департаментінің Сырдария аймағы бойынша ауданаралық қаржы полиция басқармасы (бұдан әрі – қаржы полиция), Сізге қатысты, ҚР «Сыбайлас жемқорлыққа қарсы күрес туралы» Заңының (бұдан әрі - Заң) 12 бабы 1 бөлігі 4 тармағында көрсетілген іс-әрекет жасағаны үшін, қызметтен босатылу түріндегі тәртіптік шара қолданылғаны жөнінде 1-К нысанды кәртішкесі негізінде Комитеттің орталықтандырылған дерекқор есебіне алынғансыз. Қазақстан Республикасы Бас Прокурорының м.а. 2015 жылғы 20 ақпандағы №36 бұйрығымен бекітілген (күші жойылған), «Сыбайлас жемқорлық құқық бұзушылық жасағаны үшін тәртіптік жауаптылыққа тартылған адамдарды есепке алу жөніндегі» нұсқаулықтың (бұдан әрі – Нұсқаулық) 7 тармағына сәйкес, сыбайлас жемқорлық құқық бұзушылық жасаған адамдарды есепке қою үшін олардың сыбайлас жемқорлық құқық бұзушылық және сыбайлас жемқорлыққа жағдай туғызатын құқық бұзушылық жасаған деректері мен Қазақстан Республикасы Заңының нормаларына сәйкес оларды тәртіптік жауаптылыққа тарту туралы уәкілетті орган шешімінің бар болуы, яғни, Бөржар ауыл округі әкімінің тәртіптік жазаға тарту туралы №38 бұйрықта көрсетілген қаржы полициясының 2014 жылдың 26 мамырындағы №16/18-7-868 санды ұсынысы негіз болып табылады. Қазақстан Республикасы Бас Прокурорының м.а. 2015 жылғы 20 ақпандағы № 36 Нұсқаулықтың күші жойылды деп танылып, Нұсқаулықтағы сыбайлас жемқорлық құқық бұзушылық туғызатын іс-әрекеттер 22.06.2016 жылы ҚР Бас Прокурорының №113 бұйрығымен бекітілген мемлекеттік қызметке кір келтіретін тәртіптік теріс қылықтар жасаған адамдарды есепке алуды жүргізу қағидасында (бұдан әрі – Қағида) көрсетілген. Қолданыстағы қағидаға сәйкес, Сізге қатысты мәліметті Комитеттің есебінен алып тастау үшін Бөржар ауыл округ әкімінің №38 бұйрығын жоғарғы тұрған органмен немесе соттың шешімімен күші жойылған деп танылуы қажет. Аталған жауапқа келіспеген жағдайда, Сіз жоғарғы тұрған органға немесе сотқа шағымдануға құқылысыз. Басқарма бастығы Сапарғалиев А.
  • Сұрақ №: 38256
    Дата: 19.12.2017 17:00:46
    Аты-жөні: Утегенов Ербас
    Сұрақ:
    Қазақстан Республикасының Бас Прокуратурасы Құқықтық статистика және арнайы есепке алу жөніндегі комитетінің төрағасы Б.Мусинге ОҚО, Ордабасы ауданы, Бөржар а/о, Ұялыжар ауылы, Т.Сихымбаев көшесі, №17 үйдің тұрғыны Утегенов Ербас Жанысбековичтен ЖСН 761006301714, жеке куәлік №023944957 2009 жылғы 30 шілдеде ҚР Әділет министірлігі берген. Байланыс телефоны: 8 705 490 55 85 Сізге осы өтінішті жазуыма төменде баяндалған жайттар себеп болды. Мен, өзімінің туып-өскен ОҚО, Ордабасы ауданы, Бөржар ауыл округі әкімі аппаратының бас маман - іс басқарушы лауазымына Оңтүстік Қазақстан облыстық ішкі саясат басқармасының бас маманы лауазымынан ауысу тәртібімен 2012 жылғы 7 ақпанда тағайындалдым. 2014 жылғы мамыр айында менің қызмет барысындағы іс-әрекетім туралы жеке тұлғадан түскен арызды қараған Сырдария аймағы бойынша ауданаралық қаржы полициясы Ордабасы ауданы әкімінің атына менің тәртіптік жауапкершілігімді аудан әкімі аппаратында қарап, тиісті шешім қабылдау туралы ұсынысын жолдайды. Ұсынысты қараған Ордабасы ауданы әкімі аппаратындағы тәртіптік комиссия мені «заң бұзушылықтарға жол берген және өзінің өкілеттігін асыра пайдаланған» деп айыптап, Бөржар ауыл округі әкімінің атына мені жұмыстан босату туралы ұсыныс береді. Бөржар ауыл округі әкімі С.Жолболды аудандық тәртіптік комиссияның шешімін орындау мақсатында Қазақстан Республикасының «Мемлекеттік қызмет туралы» Заңнының 3-бабы 1-тармағының 14-тармақшасын, 27-бабының 2-тармағын, 28-бабы 1-тармағының 5-тармақшасын басшылыққа ала отырып және Қазақстан Республикасы Президентінің 1999 жылғы 31 желтоқсандағы №321 Жарлығымен бекітілген Қазақстан Республикасының мемлекеттік әкімшілік қызметкерлеріне тәртіптік жаза қолдану Қағидаларына сәйкес 2014 жылғы 27 маусымдағы №38 өкімімен (қоса тіркелді) мені жұмыстан босатты. Алайда, Бөржар ауыл округінің әкімі мені ҚР «Мемлекеттік қызмет туралы» Заңның талаптарын бұзды деген тұжырыммен жұмыстан босатқанына қарамастан, ҚР Бас прокуратурасының Құқықтық статистика және арнайы есепке алу комитетінің базасында мені ҚР «Сыбайлас жемқорлыққа қарсы күрес» туралы Заң талаптарын бұзуы себепті жұмыстан босатылды деп көрсетіліп, есепке алынғанымды білдім. Сол себепті, қазіргі кезде мемлекеттік қызметке тұру мүмкіндігіме шектеу қойылып отыр. Ендігі кезекте Қазақстан Республикасының қолданыстағы заңдылықтарының, Қазақстан Республикасы Президенті Жарлықтары мен өзге де нормативтік-құқықтық актілердің жүзеге асуы заңдылығын қадағалаушы құқық қорғау органы құрылымының басшысы ретінде Өзіңізден: 1. ҚР Бас прокуратурасының Құқықтық статистика және арнайы есепке алу комитетінің есебіне қандай себеппен алынғандығымды түсіндіруді; 2. Есепке алуда қателіктер орын алынған болса, менің мемлекеттік қызметке орналасу құқығымды қалпына келтіруге ықпал етуіңізді сұраймын. Өтініш иесі Е.Өтегенов 20.12.2017 ж
    Жауап күні:
    20 желтоқсан, 2017 - 17:32
    Жауап:
    Комитеттің Оңтүстік Қазақстан облысы бойынша басқармасының бастығы А.О. Сапарғалиевқа Е.Ж.Утегеновқа Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі – Комитет), "Жеке және заңды тұлғалардың өтініштерін қарау тәртібі туралы" Қазақстан Республикасы Заңының 7-бабына сәйкес, жан-жақты қарау үшін Е.Ж. Утегеновтың Бас Прокурордың блогына түскен сұрауы жолданады. Қарау нәтижесі туралы өтініш берушiге Заңда белгіленген мерзімде хабарлауыңызды сұраймыз. Сонымен қатар, Комитетке қарау нәтижесі туралы ақпаратты ү.ж. 25 желтоқсанға дейін жолдауыңыз қажет. Екінші мекенжайға мәлімет үшін хабарланады. 1-басқарма бастығы Н. Нұрсейітов орынд. Қ.Б.Құлманова тел. 31-62-68
  • Сұрақ №: 38245
    Дата: 19.12.2017 09:56:44
    Аты-жөні: Курманбеков Досжан
    Сұрақ:
    Саламатсызба,(850528300403) менде 2015 жылы 3964 тенге штраф болған содан маған сот орындаушы хабарлап төлеткен процентін қосып төлегем бірақ егов сайтында штраф бөлімінде әліде менің атымда сол штраф тұр мен сот орындаушыға барып төлегем тексеріп берулеріңізді сұраймын гай га баргандада да сол шщтраф базада тұр
    Жауап күні:
    25 желтоқсан, 2017 - 15:53
    Жауап:
    Сәлеметсіз бе, құрметті блог тұтынушысы! Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің Алматы қаласы бойынша басқармасымен Сіздің сұрағыңызға Қазақстан Республикасының Әкімшілік құқық бұзушылықтар туралы кодексінің 630-бабының 1-тармағына сәйкес 06.11.2015ж. №157588233024287 (хаттама №0283873) Д.О.Курманбековқа қатысты әкімшілік құқық бұзушылық бойынша 3964 теңге сомасында өндірілген айыппұл көлеміне қажетті түзетулер енгізілгендігін хабарлаймыз. Қазіргі уақытта Сізде аталған айыппұл бойынша қарыз жоқ, сонымен қатар аталған құқық бұзушылық бойынша әкімшілік жауапкершілікке тарту туралы мәліметттер ескіру мерзіміне сәйкес есептен автоматтты түрде алынды. Сонымен қатар, «Жеке және заңды тұлғалардың өтініштерін қарау тәртібі туралы» Қазақстан Республикасы Заңының талаптарына сәйкес, жауаппен келіспеген жағдайда Сіздің оны сотқа шағымдауға құқығыңыз бар екендігін мәлімдейміз.

Беттер

Шрифт өлшемі
Қалыпты нұсқа
Үлкен өлшем
Үп-үлкен өлшем
Сайт түстері
Ақтың бойымен қара
Қараның бойымен ақпен
Көгілдірдің бойымен қара көкпен
Суреттер
Суреттерді өшіру/қосу
Теңшелімдер
Теңшелімдер
Normal version
Normal version
Мәтіндегі қателік:
Қате туралы хабарлағыңыз келсе "Хабарламаны жіберу" батырмасын басыңыз.